Lamborghini компанияси сўнгги Aventador нусхасини сотди. LP-780-4 Ultimae версиясидаги суперкар RM Sotheby’s аукционида 1 миллион 603 минг долларга баҳоланган. Ҳали ишлаб чиқарилмаган автомобиль харидори ҳозирча NFT токен ва VIP хизматларга эга бўлган. Улар орасида янги моделларни премьерагача кўриш Lamborghini музейига шахсий экскурсия мавжуд, деб хабар беради Motor.
LP-780-4 Ultimae — 2011 йилдан 2021 йилга қадар ишлаб чиқарилган Aventador’нинг хайрлашув версияси. Унинг таркибидан 780 от кучига (720 Нм) эга 6,5 литрли V12 двигатели билан жиҳозланган 350 та купе ва 250 та родстер ўрин олган. Қўшимча ишлов берилган двигатель 1550 килограммли суперкарни соатига 100 километр тезликка 2,8 сонияда олиб чиқади. Машинанинг соатига 200 километр тезликка эришиши учун эса 8,7 сония кифоя. Максимал тезлиги — 355 километр/соат.
Aventador жамланмасидан ўрин олган алмаштириб бўлмайдиган токен (NFT) — бу суперкарнинг шунчаки виртуал нусхаси эмас. Автомобиль учун Марсдаги қуёш ботишларидан илҳомланилган ҳолда бутун бошли рақамли олам яратилган. Визуал қисми устида эса Криста Ким исмли рассом, овоз қисми бўйича америкалик дижей Стив Аоки ишлаган.
Шунингдек, Ким ва Аоки Ad Personam студиясига суперкар ноёб рангга эга бўлишида ёрдам берган. Салондаги тўқ сариқ ранг NFT «оламига» ишора ҳисобланади.
Хайрлашув Aventador ҳали Сант-Агата-Болоннезедаги заводда ишлаб чиқарилганмаган: у 2022 йилнинг сентябрида тақдим этилиши кутилмоқда.
Мавзуга доир:
- Видео: Кўча ўртасида турли бўёқлар билан безатилаётган Lamborghini Aventador SVJ
- АҚШда Lamborghini Aventador’нинг картон нусхаси янги Cobalt нархида сотилди (видео)
- Dodge Ram’даги экстремал сакрашлари учун 18 та жаримага тортилган блогер Lamborghini Urus ёрдамида Aventador устидан сакраб ўтди (видео)
Изоҳ (0)