Qimmatbaho toshlar yordamida bezaklar yasash bilan shug‘ullanuvchi bloger Bobbi Uayt o‘zining so‘nggi ishi — brilliantlar qadalgan Lamborghini emblemasini namoyish etdi. Zargar o‘zining YouTube kanali orqali uni yaratish va Italiyaga sayohatida emblemani Urus kapotiga qotirilishi haqida so‘zlab bergan.
Uayt emblemani yasashni 18 qirotli oq oltindan ishlangan plastinani qirqish va uning chetlariga sariq oltindan ishlov berishdan boshlagan. Shundan keyin u qimmatbaho toshlar uchun teshiklar o‘yib chiqqan: usta Italiya bayrog‘i ranglarini takrorlash uchun brilliant, yoqut va zumradlardan foydalangan.
Sariq oltinli tepa qismiga Lambo yozuvi lazer yordamida tushirilgan, buqa shaklini esa Uaytning do‘sti uch o‘lchamli kompyuter modellashtirish texnologiyasi yordamida tayyorlagan. Faqatgina uni silliqlash va barcha detallarni qotirib chiqish ishi qolgan xolos.
Emblema ustidagi ishni yakunlagan zargar Italiyaga yo‘l olgan va u yerdagi Lamborghini mexaniklarni hosil bo‘lgan “san’at asari”ni qora Urus’ga qotirib qo‘ygan. Rolik oxirida narxi 40 ming dollarga qimmatlashgan krossover Mercedes-Benz SLS AMG superkari bilan bellashgan.
Avvalroq Louis Vuitton velosipedlar kolleksiyasini taqdim etgani va ularning narxi 27 ming dollardan boshlanishi, Hermes modalar uyi Rolls-Royce Phantom’ning noyob versiyasini yaratishda ishtirok etgani to‘g‘risida xabar berilgandi.
Izoh (0)