YouTube’dagi “Garaj 54” kanalining mualliflari harakatlanish vaqtida avtomobilni yuvish jarayonlari tasvirlangan yangi videorolikni taqdim etdi.
Blogerlar tajriba tariqasida sariq-qora rangli kuzovga ega beshinchi avlod Chevrolet Camaro’dan foydalanishga qaror qilgan. Sportkarni poyga trassasida yuvishda oynalari maxsus ochilgan eski furgondan pulverizatorlardan foydalanilgan. Ochiq-oydin xavfga qaramay, mutaxassislar avtomobilni yuvishni yakunlashga muvaffaq bo‘lgan.
Dastlabki bosqichda mutaxassislar pulverizator yordamida harakatlanayotgan avtomobilga sovun aralashmasini sepgan. Avtomobil u qadar tez yurmayotgan bo‘lsa-da, blogerlarga uni “sovunlashga” ancha vaqt ketgan. Sportkar ko‘pik bilan to‘liq qoplangach, ular boshqa suv idishiga ulangan boshqa bir pulverizator yordamida uni yuvishga kirishgan. Aralashmani yuvish oson kechmagan, ammo jamoa buni muvaffaqiyatli uddalagan.
Tajriba yakunida kuzovni quritish kerak edi. Biroq harakat vaqtida klassik usuldan foydalanish o‘z joniga qasd qilish bilan teng. Shu sababli blogerlar Camaro’ga poyga trassasida o‘z tezligini namoyish etishga qo‘yib bergan. Maydonni aylanib chiqqan sportkar deyarli qurib bo‘lgan. Tarjiba muvaffaqiyatli yakunlangan bo‘lsa-da, blogerlar umumiy foydalanishdagi yo‘llardan bunday xavfli tryuklarni bajarmaslikka chaqirgan.
Bunga qadar “Garaj 54” kanali blogerlari “Oka” avtomobilini suzishga “o‘rgatgan”, “Jiguli”ga “ZIL-130” dvigateli o‘rnatish loyihasini yakuniga yetkazgan edi.
Izoh (0)