Toshkent shahrida avtomashina boshqaruvini voyaga yetmagan o‘g‘liga bergan otaga nisbatan chora ko‘rildi. Bu haqda shahar Ichki ishlar bosh boshqarmasi xabar qildi.
Qayd etilishicha, Lacetti avtomashinasini ishonchnoma orqali boshqaradigan fuqaro R.R. (49 yoshli) rulni voyaga yetmagan o‘g‘liga (16 yoshli) bergani aniqlangan.
Holat yuzasidan Toshkent shahar IIBB YHXB xodimlari tomonidan fuqaro R.R.ga nisbatan Ma’muriy javobgarlik to‘g‘risidagi kodeksning 135-moddasi 2-qismi bilan (transport vositalarini boshqarish huquqi bo‘lmagan shaxsga transport vositalarini boshqarishning topshirilishi) bayonnoma rasmiylashtirilib, avtomashina jarima maydoniga joylashtirilgan.
Ushbu qoidabuzarlikni sodir etgan shaxs BHMning 5 baravari miqdorida jarimaga tortiladi.
Shuningdek, 16 yoshli fuqaro tomonidan sodir etilgan huquqbuzarlik haqidagi ma’lumotlar tuman hokimligi huzuridagi Voyaga yetmaganlar ishlari bo‘yicha komissiyaga yetkazilgan.
Mavzuga doir:
- Farg‘onada mast va voyaga yetmagan haydovchilar boshqaruvidagi Lacetti’lar to‘qnashdi
- Surxondaryoda mast ota 12 yoshli o‘g‘lining Damas haydashiga ruxsat bergani aniqlandi (video)
- Xorazmda haydovchilik guvohnomasi bo‘lmagan 10-sinf o‘quvchisi boshqaruvidagi Lacetti Damas’ga urildi. YTH oqibatida uch kishi halok bo‘ldi
Izoh (0)