Toshkent shahrida Spark rusumli avtomashinada nuqsonlar borligi kuzatilgani bois yangisiga almashtirib berildi, deya xabar bermoqda Iste’molchilar huquqlarini himoya qilish agentligi.
Ma’lum qilinishicha, Yashnobod tumanida istiqomat qiluvchi N.B. 2021-yilning oxirida Spark avtomobilini sotib olgan. Biroq avtomobil bo‘yog‘i ikki oy ichida ko‘chib tusha boshlagan. Iste’molchi darhol Lion Motors MCHJga murojaat qilgan, ammo bunga aniq javob ololmagan.
Shundan so‘ng fuqaro Iste’molchilar huquqlarini himoya qilish agentligiga murojaat qilgan.
Iste’molchi, xizmat ko‘rsatuvchi va avtosalon xodimidan iborat ishchi guruh tomonidan o‘tkazilgan ekspertiza natijasida ko‘chayotgan bo‘yoqlar tuzatib bo‘lmaydigan nuqsonlar ekani ma’lum bo‘lib, iste’molchining da’volari tasdiqlangan.
Avvalroq Buxoroda 10 kilometr ham yurmagan Tracker’ning nuqsonlari chiqqani bois yangisiga almashtirib berilgandi.
Izoh (0)