“Barselona” La Liganing 33-turida “Real Sosyedad” ustidan 1:0 hisobida g‘alaba qozondi.
Uchrashuvda Pyer-Emerik Obameyang yagona gol muallifiga aylandi. Shu tariqa katalon jamoasi hujumchisi Ispaniya chempionatining dastlabki 11 o‘yinida 9 ta gol urdi va bu natijaga erishgan to‘rtinchi futbolchiga aylandi.
Undan avval Romario (1993), Ronaldo (1996) va Zlatan Ibrahimovich (2010) ushbu natijani qayd etgandi.
32 yoshli hujumchi qishki transfer oynasida “Barselona” safiga erkin agent sifatida kelib qo‘shildi. Undan oldin 3 yilda davomida Londonning “Arsenal” sharafini himoya qilgan.
Obameyang joriy mavsum kataloniyaliklar safida barcha musobaqalarda 16 ta o‘yinda maydonga tushib, 10 ta gol muallifiga aylangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)