“Manchester Yunayted” himoyachisi Harri Maguayrga jiddiy tahdidlar bo‘lmoqda.
Sky Sports’ga ko‘ra, himoyachi oilasi bilan yashaydigan uyda portlash sodir bo‘lishi mumkinligi xabar qilingach, futbolchi Cheshir politsiyasiga murojaat qilgan.
Politsiya iskovich itlar yordamida uyni tintuv qildi, ammo hech narsa topa olmadi.
“So‘nggi 24 soat ichida Harri oilasi bilan birga yashaydigan uyga jiddiy tahdid borligi haqida xabarlar oldi. Maguayr bu haqida politsiyaga ma’lum qilgan va hozirda tergov harakatlari davom etmoqda. Albatta, oilasi va yaqinlarining xavfsizligi Harri uchun birinchi o‘rinda turadi.
U dam olish kunlari bo‘ladigan o‘yinga odatdagidek tayyorgarlik ko‘rishda davom etadi va bu borada izoh bermaydi”, — deydi “Manchester Yunayted” sardorining vakili.
“Hech kimni evakuatsiya qilishga hojat qolmadi, ammo ehtiyot chorasi sifatida 21-aprel, payshanba kuni uy tintuv qilindi. Shuningdek, bog‘ va uning atrofidagi hududlar ham ko‘zdan kechirildi”, — deyiladi politsiya xabarida.
Izoh (0)