Ромелу Лукаку ёзда Италияга қайтиши мумкин

«Челси» ҳужумчиси Ромелу Лукаку «Милан»га ўтиши мумкин.

Goal нашрининг хабарига кўра, бельгияликнинг «россонерилар» сафига ўтиши бир нечта омилларга боғлиқ. Биринчидан, ҳужумчининг ҳозирги нархи (тахминан 77 миллион фунт) «Милан» учун анча қимматлик қилади ва худди шу нарса футболчининг маошига (ҳафтасига 325 минг фунт) ҳам тегишли. Бироқ, «Челси»нинг янги хўжайинлари харажатларни қисқартиришга қарор қилиб, Лукакуни пастроқ нархга қўйиб юборишга рози бўлиш эҳтимоли бор.

Иккинчидан, «россонерилар» Инвестcорп компаниясига ўтганидан сўнг йирик трансферларни амалга ошириш қобилиятига эга бўлади. Шундай бўлган тақдирда ҳам «Милан» Лукакуни харид қилганидан сўнг «Челси»дан футболчи маошининг бир қисмини тўлашда давом этишини сўраши мумкин.

Лукакуга «Интер» ҳам бефарқ эмас. Аввалроқ бельгиялик футболчи «нераззурилар» сафидаги даврини соғинаётгани ва у ерга қайтишни истаётганини айтган. Бу эса унинг «Челси» билан муносабатларига салбий таъсир қилганди.

Ромелу Лукаку 2021/22 йилги мавсум АПЛда 21 та ўйинда майдонга тушиб, 5 та гол урган.