«ПСЖ» ҳамон Килиан Мбаппени жамоада қолишга кўндиришга ҳаракат қилмоқда.
Marca’нинг хабар беришича, ҳужумчининг онаси «ПСЖ» академиясида тўп сурадиган Килианнинг укасе Этан билан бирга Доҳага учиб кетган. У ерда Мбаппенинг оила аъзолари «ПСЖ»нинг эгалари билан музокара ўтказиши кутилмоқда.
Француз клуби Мбаппенинг онаси янги шартнома борасидаги музокараларда муҳим рол ўйнаши мумкинлигига ишонмоқда. Париж клуби футболчи билан шартномани 2 йилга узайтирмоқчи.
Шунга қарамасдан «Реал» ҳам Килианнинг Мадридга ўтиш ҳақидаги қарори ўзгармаслигига умид қилмоқда. Агар 23 ёшли футболчи мадридликлар сафига ўтса, «Реал» тарихидаги энг кўп маош оладиган футболчига айланади.
Ҳужумчининг «ПСЖ» билан шартномаси 2022 йил ёзида ўз ниҳоясига етади.
Килиан Мбаппе 2021/22 йилги мавсум «ПСЖ» сафида Франция чемпионатида 30 ўйинда иштирок этиб, 22 та гол ва 15 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)