“Manchester Yunayted” APLning qoldirilgan 30-turida “Liverpul”ga 0:4 hisobida mag‘lub bo‘ldi.
“Liverpul” APL tarixida mankunianliklar darvozasiga urgan gollari sonini 76 taga yetkazdi. Shu tariqa mersisaydliklar Premyer Liga doirasida “Manchester Yunayted” darvozasini eng ko‘p ishg‘ol qilgan jamoaga aylandi.
“Qizil iblislar” 4 yildan buyon “Liverpul”ni mag‘lub eta olmayapti. “Manchester Yunayted” so‘nggi bor 2018-yil mart oyida “Old Trafford”da “qizillar” ustidan 2:1 hisobida g‘alaba qozongan edi.
Shundan buyon jamoalar o‘zaro 8 marta to‘qnash keldi va ushbu o‘yinlarda “Liverpul” 5 marotaba g‘alaba qozongan bo‘lsa, 3 ta o‘yinda durang natija qayd etilgan.
Qayd etib o‘tish joiz, bu vaqt mobaynida “Manchester Yunayted” faqat bir marta, Angliya Kubogi doirasida 2021-yil yanvar oyida “Liverpul” ustidan 3:2 hisobida g‘alaba qozongan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)