“Nijniy Novgorod” Ibrohimxalil Yo‘ldoshev bilan yangi shartnoma imzoladi. Bu haqda klub rasmiy saytida ma’lum qilindi.
Himoyachi Rossiya klubi bilan 3 yilga mo‘ljallangan shartnomaga imzo chekdi.
O‘zbekistonlik futbolchi joriy mavsum 17 ta o‘yinda maydonga tushib, bitta gol va 2 ta golli uzatmani amalga oshirgan. Ibrohimxalil mart oyida klubning eng yaxshi futbolchisi deb topilgandi.
Shartnoma uzaytirilishi borasida “Nijniy Novgorod” bosh direktori Ravil Izmaylov o‘z fikrlarini bildirib o‘tdi:
“Yo‘ldoshev — O‘zbekiston terma jamoasining iqtidorli va kelajagi bor o‘yinchisi. Joriy mavsumda u Rossiya chempionatiga moslashdi, muxlislar uni yaxshi ko‘radi va hurmat qiladi. Ibrohimxalil bosh murabbiyning ishonchiga kirgan. Inson sifatida ham u yaxshi tomonlarini ko‘rsata oldi. Unga rivoj va klubimizdagi o‘yinlarda muvaffaqiyat tilaymiz”.
Ibrohimxalil Yo‘ldoshev “Paxtakor” jamoasi tarbiyalanuvchisi hisoblanadi. Bir mavsum “Bunyodkor” safida ijarada o‘ynagan Yo‘ldoshev 2021-yil avgust oyida “Nijniy Novgorod” safiga o‘tgan edi.
Izoh (0)