«Манчестер Юнайтед» АПЛнинг қолдирилган 30-турида «Ливерпуль»га 0:4 ҳисобида мағлуб бўлди.
«Ливерпуль» АПЛ тарихида манкунианликлар дарвозасига урган голлари сонини 76 тага етказди. Шу тариқа мерсисайдликлар Премьер Лига доирасида «Манчестер Юнайтед» дарвозасини энг кўп ишғол қилган жамоага айланди.
«Қизил иблислар» 4 йилдан буён «Ливерпуль»ни мағлуб эта олмаяпти. «Манчестер Юнайтед» сўнгги бор 2018 йил март ойида «Олд Траффорд»да «қизиллар» устидан 2:1 ҳисобида ғалаба қозонган эди.
Шундан буён жамоалар ўзаро 8 марта тўқнаш келди ва ушбу ўйинларда «Ливерпуль» 5 маротаба ғалаба қозонган бўлса, 3 та ўйинда дуранг натижа қайд этилган.
Қайд этиб ўтиш жоиз, бу вақт мобайнида «Манчестер Юнайтед» фақат бир марта, Англия Кубоги доирасида 2021 йил январь ойида «Ливерпуль» устидан 3:2 ҳисобида ғалаба қозонган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)