“Roma” hujumchisi Temmi Abraham Konferensiyalar Ligasi chorak finalida “Budyo-Glimt”ga qarshi o‘yinda (4:0) darvozani ishg‘ol qildi.
Angliyalik futbolchi 2021/22-yilgi mavsum “Roma”dagi gollari sonini 24 taga yetkazdi. Abraham top-5 ligalarda eng sermahsul ingliz futbolchisi bo‘lib turibdi.
24 yoshli Temmi bir mavsumda kamida 24 ta gol urgan “Roma”ning XXI asrdagi uchinchi futbolchisiga aylandi. Faqatgina Franchesko Totti va Edin Jeko (ikkalasi ham 2 martadan) bu natijani qayd etgan.
Avvalroq Temmi Abraham 1991/92-yilgi mavsumdan buyon A Seriyada 11 yoki undan ortiq gol urgan ilk ingliz futbolchisiga aylangani xabar qilingandi.
“Roma” Konferensiyalar Ligasi chorak finalida “Budyo-Glimt”ni mag‘lub etib, yarim final yo‘llanmasini qo‘lga kiritdi. Rimliklarning navbatdagi raqibi Angliyaning “Lester” jamoasi bo‘ladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)