«Рома» ҳужумчиси Тэмми Абраҳам Конференциялар Лигаси чорак финалида «Будё-Глимт»га қарши ўйинда (4:0) дарвозани ишғол қилди.
Англиялик футболчи 2021/22 йилги мавсум «Рома»даги голлари сонини 24 тага етказди. Абраҳам топ-5 лигаларда энг сермаҳсул инглиз футболчиси бўлиб турибди.
24 ёшли Темми бир мавсумда камида 24 та гол урган «Рома»нинг XXI асрдаги учинчи футболчисига айланди. Фақатгина Франческо Тотти ва Эдин Жеко (иккаласи ҳам 2 мартадан) бу натижани қайд этган.
Аввалроқ Темми Абраҳам 1991/92 йилги мавсумдан буён А Серияда 11 ёки ундан ортиқ гол урган илк инглиз футболчисига айлангани хабар қилинганди.
«Рома» Конференциялар Лигаси чорак финалида «Будё-Глимт»ни мағлуб этиб, ярим финал йўлланмасини қўлга киритди. Римликларнинг навбатдаги рақиби Англиянинг «Лестер» жамоаси бўлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)