“Roma” Konferensiyalar Ligasi chorak finalida “Budyo-Glimt”ga qarshi kechgan o‘yindan (4:0) so‘ng yarim final yo‘llanmasini qo‘lga kiritdi.
E’tiborlisi, “Roma” Yevrokuboklar kurash olib borayotgan yagona Italiya jamoasi bo‘lib turibdi. Qolgan barcha italyan klublari Yevrokuboklarni tark etdi.
A Seriyaning amaldagi chempioni “Inter” YChL 1/8 finalida “Liverpul”ga mag‘lub bo‘lib, o‘z yurishini to‘xtatdi. “Milan” esa Chempionlar Ligasi guruh bosqichida 4-o‘rinni egallagan holda musobaqa bilan xayrlashdi. “Yuventus” Chempionlar Ligasi 1/8 finalida “Vilyarreal”ga imkoniyatni boy berdi va YChLni tark etdi.
“Atalanta” Yevropa Ligasi 1/4 finalida “Leypsig” tomonidan to‘xtatildi. “Napoli” Yevropa Ligasi 1/8 finaliga o‘tish o‘yinida “Barselona”ga imkoniyatni boy berdi. “Latsio” ham Yevropa Ligasiga o‘tish o‘yinlarida “Portu”ga mag‘lub bo‘ldi va o‘z yurishini to‘xtatishga majbur bo‘ldi.
Rimliklar ustozi Joze Mourinyo bu holatni e’tibordan chetda qoldirmadi.
Endi biz Yevropada Italiya bayrog‘ini ko‘tarishimiz lozim. Biz Yevrokuboklar uchun kurashda davom etayotgan yagona Italiya jamoasimiz.“Roma” Konferensiyalar Ligasi chorak finali dastlabki o‘yinida “Budyo-Glimt”ga 1:2 hisobida imkoniyatni boy bergandi. Javob o‘yinida esa 4:0 hisobida g‘alaba qozonib, yarim final yo‘llanmasiga ega chiqdi. Mourinyo shogirdlari finalga yo‘l olish uchun “Lester” bilan bahs olib boradi.“Budyo-Glimt”dan kuchliroq edik. To‘rtinchi urinishda raqibni yengishni hazm qilib bo‘lmaydi, albatta. Lekin, asosiysi, 1:2 hisobini 5:2 ga aylantira oldik. Boshidanoq ajoyib o‘ynadik. Birinchi goldan so‘ng ular ish yakunlanganini tushunib yetdi.
Joze Mourinyo, “Roma” bosh murabbiyi
Izoh (0)