O‘zbekistondagi bir nechta kompaniyalar yaqin yillarda eksklyuziv huquqlaridan mahrum bo‘ladi. Bu prezidentning tadbirkorlik muhitini yaxshilash to‘g‘risidagi farmon bilan tasdiqlangan.
Boshqa kompaniyalar ham shug‘ullanishi mumkin bo‘lgan faoliyat turlarining to‘liq ro‘yxati:
Aholi va ijtimoiy soha obyektlariga suyultirilgan gaz yetkazib berish
- Hozir faqat “Hududgazta’minot”;
- 2022-yil sentabrdan xususiy kompaniyalar tomonidan litsenziyalar asosida amalga oshirishga ruxsat beriladi.
Haydovchilarni va haydovchilikka nomzodlarni tibbiy ko‘rikdan o‘tkazish
- Hozir faqat davlat muassasalari;
- 2022-yil sentabrdan xususiy klinikalarga ham ruxsat beriladi.
Ishlatilgan texnik moylarni to‘plash va qayta ishlash
- Hozir faqat Uz-Prista Recycling;
- 2022-yil oktabrdan boshqa kompaniyalarga ham buni amalga oshirishga ruxsat beriladi.
Tovarlarning kelib chiqishi to‘g‘risidagi sertifikatni berish
- Hozir faqat “O‘zbekekspertiza”;
- 2022-yil iyul oyidan boshqa kompaniyalarga buni sertifikat asosida amalga oshirishga ruxsat beriladi.
Qishloq joylarda qishloqlar, ovullar va shahar posyolkalarining bosh rejalarini tuzish
- Hozir faqat “Qishloqqurilishloyiha”;
- 2022-yil avgustdan barcha loyiha tashkilotlariga tanlov asosida shug‘ullanish imkonini beriladi.
O‘lchash vositalarini qiyoslashdan o‘tkazish
- Hozir faqat davlat organlari;
- 2022-yil iyul oyidan kompaniyalarning meteorologik xizmatlari bilan shug‘ullanishga ruxsat beriladi.
Elektr texnika uskunalari va qurilmalarini markazlashtirilgan tartibda xarid qilish
- Hozir faqat “Energo-RES”;
- 2022-yil iyun oyidan ochiq tender va tanlov savdolariga o‘tkazildi.
Paxta mahsulotlarini, qishloq xo‘jaligi urug‘larini sertifikatlashtirish
- Hozir faqat “Agrosanoat majmuasida xizmatlar ko‘rsatish markazi”;
- 2023-yil fevral oyidan xususiy kompaniyalarga ham akkreditatsiya asosida buni amalga oshirishga ruxsat beriladi.
Harbiy majburiyatli shaxslarning, oddiy askarlar hamda boshliqlar tarkibiga kiruvchi shaxslarning davlat majburiy shaxsiy sug‘urtasi bo‘yicha xizmatlar va soliq organlari xodimlarining majburiy davlat sug‘urtasi bo‘yicha xizmatlar
- Hozir faqat “O‘zbekinvest”;
- 2022-yil iyun oyidan doshqa sug‘urta kompaniyalariga ham tanlov asosida buni amalga oshirishga ruxsat beriladi.
Qishloq xo‘jaligi va avtomobil shinalari yagona yetkazib beruvchi tomonidan yetkazib berilishi bo‘yicha xizmatlar
- Hozir yagona yetkazib beruvchi – “Birinchi rezinotexnika zavodi”;
- 2022-yil iyul oyidan boshqa kompaniyalarga ham buni amalga oshirishga ruxsat beriladi.
Avvalroq “O‘zbekiston temir yo‘llari” transformatsiya qilinishi haqida xabar berilgan edi.
Izoh (0)