Ўзбекистондаги бир нечта компаниялар яқин йилларда эксклюзив ҳуқуқларидан маҳрум бўлади. Бу президентнинг тадбиркорлик муҳитини яхшилаш тўғрисидаги фармон билан тасдиқланган.
Бошқа компаниялар ҳам шуғулланиши мумкин бўлган фаолият турларининг тўлиқ рўйхати:
Аҳоли ва ижтимоий соҳа объектларига суюлтирилган газ етказиб бериш
- Ҳозир фақат «Ҳудудгазтаъминот»;
- 2022 йил сентябрдан хусусий компаниялар томонидан лицензиялар асосида амалга оширишга рухсат берилади.
Ҳайдовчиларни ва ҳайдовчиликка номзодларни тиббий кўрикдан ўтказиш
- Ҳозир фақат давлат муассасалари;
- 2022 йил сентябрдан хусусий клиникаларга ҳам рухсат берилади.
Ишлатилган техник мойларни тўплаш ва қайта ишлаш
- Ҳозир фақат Uz-Prista Recycling;
- 2022 йил октябрдан бошқа компанияларга ҳам буни амалга оширишга рухсат берилади.
Товарларнинг келиб чиқиши тўғрисидаги сертификатни бериш
- Ҳозир фақат «Ўзбекэкспертиза»;
- 2022 йил июль ойидан бошқа компанияларга буни сертификат асосида амалга оширишга рухсат берилади.
Қишлоқ жойларда қишлоқлар, овуллар ва шаҳар посёлкаларининг бош режаларини тузиш
- Ҳозир фақат «Қишлоққурилишлойиҳа»;
- 2022 йил августдан барча лойиҳа ташкилотларига танлов асосида шуғулланиш имконини берилади.
Ўлчаш воситаларини қиёслашдан ўтказиш
- Ҳозир фақат давлат органлари;
- 2022 йил июль ойидан компанияларнинг метеорологик хизматлари билан шуғулланишга рухсат берилади.
Электр техника ускуналари ва қурилмаларини марказлаштирилган тартибда харид қилиш
- Ҳозир фақат «Энерго-РЭС»;
- 2022 йил июнь ойидан очиқ тендер ва танлов савдоларига ўтказилди.
Пахта маҳсулотларини, қишлоқ хўжалиги уруғларини сертификатлаштириш
- Ҳозир фақат «Агросаноат мажмуасида хизматлар кўрсатиш маркази»;
- 2023 йил февраль ойидан хусусий компанияларга ҳам аккредитация асосида буни амалга оширишга рухсат берилади.
Ҳарбий мажбуриятли шахсларнинг, оддий аскарлар ҳамда бошлиқлар таркибига кирувчи шахсларнинг давлат мажбурий шахсий суғуртаси бўйича хизматлар ва солиқ органлари ходимларининг мажбурий давлат суғуртаси бўйича хизматлар
- Ҳозир фақат «Ўзбекинвест»;
- 2022 йил июнь ойидан дошқа суғурта компанияларига ҳам танлов асосида буни амалга оширишга рухсат берилади.
Қишлоқ хўжалиги ва автомобиль шиналари ягона етказиб берувчи томонидан етказиб берилиши бўйича хизматлар
- Ҳозир ягона етказиб берувчи – «Биринчи резинотехника заводи»;
- 2022 йил июль ойидан бошқа компанияларга ҳам буни амалга оширишга рухсат берилади.
Аввалроқ «Ўзбекистон темир йўллари» трансформация қилиниши ҳақида хабар берилган эди.
Изоҳ (0)