Xususiy klinikalarga haydovchilarni tibbiy ko‘rikdan o‘tkazishga ruxsat beriladi

O‘zbekistonda haydovchilar va haydovchilikka nomzodlarni tibbiy ko‘rikdan o‘tkazish bo‘yicha eksklyuziv huquqlar bekor qilinadi. Bu prezident farmoni bilan belgilangan.

Hozir bu tekshiruv faqat Sog‘liqni saqlash vazirligining davlat davolash-profilaktika muassasalari qoshida tashkil etiladigan tibbiy haydovchilik komissiyalari tomonidan amalga oshiriladi.

Endilikda mazkur ko‘rikni xususiy tibbiyot klinikalar tomonidan ham o‘tkazilishiga ruxsat beriladi. Buning uchun klinikalar maxsus litsenziya olishlari kerak bo‘ladi.

Farmon bilan bu o‘zgartirishlar kiritish muddati belgilangan — 2022-yilning sentabrigacha  Mas’ullar — Sog‘liqni saqlash vazirligi va Ichki ishlar vazirligi.

Avvalroq “Birinchi rezinotexnika zavodi” eksklyuziv huquqlardan mahrum qilinishi haqida xabar berilgan edi.