Samarqandda Davlat kadastrlari palatasining Nurobod tumani filiali mutaxassislari 2 mln so‘m pora bilan ushlandi. Bu haqda “Daryo”ga DXXning viloyat boshqarmasi ma’lum qildi.
Ma’lum bo‘lishicha, holat DXXning viloyat boshqarmasi, IIB hamda departament xodimlari hamkorligidagi tadbirda fosh etilgan.
Davlat kadastrlar palatasi Nurobod tuman filiali mutaxasislari — Nurobod tumanida yashovchi 1991-yilda tug‘ilgan B.A. va 1992-yilda tug‘ilgan F.X. fuqaroga tuman hududidagi 1 gektar yer maydonining 6 sotix qismiga soxta kadastr hujjatlarini rasmiylashtirib berishni va’da qilgan. Evaziga esa fuqarodan ikki million so‘m pulni pora tariqasida olayotgan vaqtida ashyoviy dalillar bilan ushlangan.
Hozirda filial xodimlari firibgarlikda ayblanib, tergov harakatlari olib borilmoqda.
Mavzuga doir:
- Sirdaryoda tadbirkorning elektrdan 5 mln so‘m qarzini “yo‘q qilib” bermoqchi bo‘lgan elektr tarmoqlari korxonasi muhandisi ushlandi
- Namanganda fuqaroga fermer xo‘jaligi yerini ajratib berish uchun 15 ming dollar so‘ragan hokim yordamchisi va uning sheriklari ushlandi
- Samarqandda 22 ming dollarga yer sotishga uringan ota-o‘g‘ilning qilmishi fosh bo‘ldi
Izoh (0)