Самарқандда Давлат кадастрлари палатасининг Нуробод тумани филиали мутахассислари 2 млн сўм пора билан ушланди. Бу ҳақда «Дарё»га ДХХнинг вилоят бошқармаси маълум қилди.
Маълум бўлишича, ҳолат ДХХнинг вилоят бошқармаси, ИИБ ҳамда департамент ходимлари ҳамкорлигидаги тадбирда фош этилган.
Давлат кадастрлар палатаси Нуробод туман филиали мутахасислари — Нуробод туманида яшовчи 1991 йилда туғилган Б.А. ва 1992 йилда туғилган Ф.Х. фуқарога туман ҳудудидаги 1 гектар ер майдонининг 6 сотих қисмига сохта кадастр ҳужжатларини расмийлаштириб беришни ваъда қилган. Эвазига эса фуқародан икки миллион сўм пулни пора тариқасида олаётган вақтида ашёвий далиллар билан ушланган.
Ҳозирда филиал ходимлари фирибгарликда айбланиб, тергов ҳаракатлари олиб борилмоқда.
Мавзуга доир:
- Сирдарёда тадбиркорнинг электрдан 5 млн сўм қарзини «йўқ қилиб» бермоқчи бўлган электр тармоқлари корхонаси муҳандиси ушланди
- Наманганда фуқарога фермер хўжалиги ерини ажратиб бериш учун 15 минг доллар сўраган ҳоким ёрдамчиси ва унинг шериклари ушланди
- Самарқандда 22 минг долларга ер сотишга уринган ота-ўғилнинг қилмиши фош бўлди
Изоҳ (0)