Ijtimoiy tarmoqlarda Toshkent shahri Chilonzor tumanida Chevrolet Lacetti (Gentra) transport vositasi ayol kishi salondan tanasini chiqarib olgan holda harakatlanayotgani aks etgan videolavha tarqaldi. Mazkur holat yuzasidan Toshkent shahar Ichki ishlar bosh boshqarmasi tomonidan tekshiruv o‘tkazildi.
Aniqlanishicha, 17-mart kuni taxminan soat 21:00 larda haydovchi M.S. (1986-yilda tug‘ilgan) Gentra avtoulovini Chilonzor tumanida boshqarib ketayotgan vaqtida avtomobil ichida o‘tirgan yo‘lovchi G.A. (1996-yilda tug‘ilgan) yo‘l harakati qoidalarini buzib, salondan tana qismining chiqargan holatda transport vositasida harakatlangan.
Holat yuzasidan Ma’muriy javobgarlik to‘g‘risidagi kodeksning 138-moddasi 4-qismi (transport vositasi harakatlanayotgan vaqtda yo‘lovchi tomonidan tana qismlarini (qo‘ldan tashqari) salondan chiqarish) bilan ma’muriy bayonnoma rasmiylashtirilib, ular bilan profilaktik suhbat o‘tkazilgan.
Mavzuga doir:
- Toshkentda Matiz haydovchisi va uning eshigiga osilib, suratkashlik qilgan shaxs jarimaga tortildi
- Yo‘lovchi madaniyatsizligi sabab qashqadaryolik haydovchi 245 ming so‘m jarima to‘laydigan bo‘ldi
- Jizzaxda harakatlanayotgan Nexia oynasidan tanasining bir qismini chiqarib olgan ayol jarimaga tortildi
Izoh (0)