“Volontyorlik faoliyatini yanada qo‘llab-quvvatlash chora-tadbirlari to‘g‘risida”gi Vazirlar Mahkamasi qarori qabul qilindi.
Qaror bilan Yoshlar ishlari agentligi, O‘zbekiston volontyorlari assotsiatsiyasi hamda Adliya vazirligining volontyorlar faoliyatini qo‘llab-quvvatlash, shuningdek, davlat boshqaruvi organlari va mahalliy ijro etuvchi hokimiyat organlarining vazifalari va funksiyalarini bajarishda volontyorlik faoliyatini joriy etish to‘g‘risidagi takliflariga rozilik berilgan.
2022-yil 1-iyundan boshlab quyidagilarni amalga oshirish imkonini beruvchi O‘zbekiston yoshlar portali negizida yaratilgan volontyorlar elektron platformasi ishga tushiriladi:
- volontyorlarning ijtimoiy ahamiyatga molik tadbirlar, loyihalar va aksiyalardagi ishtiroki, shuningdek, davlat organlari faoliyatiga ko‘maklashgan davrini qayd etib borish;
- volontyorlar guruhiga kiritilgan volontyorlarni hisobga olish;
- hududlar va faoliyat yo‘nalishi bo‘yicha volontyorlik yordamini jalb qilishga qiziqish bildirayotgan davlat organlari ro‘yxati hamda ularning tadbirlari, loyihalari va aksiyalarini joylashtirish;
- davlat organlarining volontyorlar bilan ishlashiga oid metodik tavsiyalarni joylashtirish;
- volontyorlik faoliyatini chet elda amalga oshirish.
- davlat organi faoliyati bilan bog‘liq volontyorlik dasturlarini tayyorlash va tasdiqlash uchun davlat organi rahbariga kiritish;
- davlat organi tomonidan volontyorlar ishtirokida ijtimoiy ahamiyatga molik tadbirlar, loyihalar va aksiyalar o‘tkazilishini tashkil etish;
- davlat organi faoliyatini amalga oshirishga jalb etiladigan volontyorlarning huquq va erkinlariga rioya etilishini ta’minlash;
- davlat organi faoliyatini amalga oshirishga jalb etiladigan volontyorlar tomonidan ushbu qaror bilan tasdiqlangan nizom talablariga rioya etilishini nazorat qilish;
- davlat organining vazifalari va funksiyalarini volontyorlar orqali samarali va tejamli shaklda amalga oshirish yuzasidan takliflar kiritish;
- davlat organi faoliyatini amalga oshirishga jalb etiladigan volontyorlarni moddiy va ma’naviy jihatdan rag‘batlantirish to‘g‘risida takliflar kiritish.
Yoshlar ishlari agentligiga budjetdan tashqari mablag‘lar hisobidan har yili Qoraqalpog‘iston Respublikasi, viloyatlar va Toshkent shahri bo‘yicha har bir hududdagi 5 ta eng yaxshi volontyorlik loyihalarini amalga oshirish uchun volontyorlik guruhlari va volontyorlik tashkilotlariga har bir loyiha uchun BMHning 200 baravarigacha (54 million so‘m) miqdorda mablag‘ ajratiladi.
Eslatib o‘tamiz, 2021-yilning mayida Yoshlar ishlari agentligi direktori Alisher Sa’dullayev “Toshkent 5 tashabbus harakati” yoshlar festivali doirasida o‘tkazilgan uchrashuvda O‘zbekistonning 14 hududida volontyorlar maktabi ochilishini ma’lum qilgandi.
Mavzuga doir: O‘zbekiston volontyorlari assotsiatsiyasi tashkil etildi
Izoh (0)