“O‘zgidromet” dam olish kunlari qanday ob-havo kuzatilishi haqida ma’lumot berdi.
Qayd etilishicha, 9-aprelga o‘tar kechasi O‘zbekiston hududiga Turkmanistondan zich bulut qatlamlari kirib kelishi kutilmoqda, buning hisobiga Navoiy, Toshkent, Samarqand, Jizzax, Sirdaryo viloyatlarida kechasi ba’zi joylarda momaqaldiroq bilan qisqa muddatli yomg‘ir yog‘adi. Respublikaning tog‘oldi va tog‘li hududlarida kun davomida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati 28-30 daraja atrofida bo‘lib turadi.
Yakshanba kuni respublika bo‘yicha yog‘ingarchilik kutilmaydi, faqat Qoraqalpog‘istonda va Xorazm viloyatida beqaror ob-havo kuzatiladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi harorat 30-35 darajagacha ko‘tariladi.
Dam olish kunlari respublika bo‘yicha ba’zi joylarda shamol tezligi 17-22 metr/sekundgacha kuchayishi, chang to‘zon bo‘lishi mumkin.
Izoh (0)