Rossiyaning Ukrainaga hujumi ortidan mamlakat infratuzilmasi jiddiy zarar ko‘rdi. Ko‘plab ukrainalik milliarderlar esa o‘z boyliklarini sezilarli darajada yo‘qotdi. Forbes jurnali ukrainalik milliarderlarning yo‘qotishlarini tahlil qildi.
Forbes ma’lumotlariga ko‘ra, ukrainalik milliarderlarning umumiy boyligi 11,9 mlrd dollarni tashkil qiladi. Bu 2021-yil boshidan beri 7 mlrd dollarga kamroqdir.
Forbes tahlilchilari urush oqibatida ukraina milliarderlari 9,7 mlrd dollarga yaqin boyligini yo‘qotganini taxmin qilmoqda. Aktivlarining katta qismi Ukrainadan tashqarida saqlanmoqda. Forbes’ning 2022-yilgi Jahon milliarderlari ro‘yxatiga 7 nafar ukrainalik kiritilgan.
Mamlakatning eng ko‘zga ko‘ringan magnatlaridan biri, 2014—2019-yillarda Ukraina prezidenti bo‘lgan Pyotr Poroshenko ro‘yxatni tark etdi.
Uning sof boyligi ikki baravarga kamayib, taxminan 700 mln dollarni tashkil qildi. Uning qandolatchilik firmasi Roshen o‘z qiymatining 75 foizini yo‘qotdi va urush tufayli ikkita zavodni yopishga majbur bo‘ldi.
Ukrainaning eng boy odami Rinat Axmetov 10-mart kuni Forbes jurnaliga bergan intervyusida uning sanoat xoldingi System Capital Management armiya va hududiy mudofaa kuchlariga yordam berayotganini aytdi.
Ukrainalik milliarderlar va ularning boyligidagi yo‘qotishlar:
1. Rinat Axmetov
Sof boyligi: 4,2 mlrd dollar
Boylik manbasi: po‘lat, ko‘mir
Urushdan keyingi o‘zgarish: 4,3 mlrd dollar yo‘qotgan
2. Viktor Pinchuk
Sof boyligi: 1,9 mlrd dollar
Boylik manbasi: po‘lat quvurlar
Urush boshlangandan keyingi o‘zgarish: 700 mln dollar yo‘qotgan
3. Vadim Novinskiy
Sof boyligi: 1,3 milliard dollar
Boylik manbasi: po‘lat
Urush boshlangandan keyingi o‘zgarish: 2,2 mlrd dollar yo‘qotgan
4. Kostyantin Jevago
Sof boyligi: 1,3 milliard dollar
Boylik manbasi: konchilik
Urush boshlangandan keyingi o‘zgarish: 800 mln dollar yo‘qotgan
5. Genadiy Boholyubov
Sof boyligi: 1,1 milliard dollar
Boylik manbasi: bank, investitsiyalar
Urush boshlangandan keyingi o‘zgarish: 900 mln dollar yo‘qotgan
6. Vlad Yatsenko
Sof boyligi: 1,1 milliard dollar
Boylik manbasi: fintech
Urush boshlangandan keyingi o‘zgarish: noma’lum
7. Igor Kolomoyskiy
Sof boyligi: 1 milliard dollar
Boylik manbasi: bank, investitsiyalar
Urush boshlangandan keyingi o‘zgarish: 800 mln dollar yo‘qotgan
Avvalroq rossiyalik milliarderlarning 2021-yildan beri qancha yo‘qotgani ma’lum qilingan edi.
Izoh (0)