Россиянинг Украинага ҳужуми ортидан мамлакат инфратузилмаси жиддий зарар кўрди. Кўплаб украиналик миллиардерлар эса ўз бойликларини сезиларли даражада йўқотди. Forbes журнали украиналик миллиардерларнинг йўқотишларини таҳлил қилди.
Forbes маълумотларига кўра, украиналик миллиардерларнинг умумий бойлиги 11,9 млрд долларни ташкил қилади. Бу 2021 йил бошидан бери 7 млрд долларга камроқдир.
Forbes таҳлилчилари уруш оқибатида украина миллиардерлари 9,7 млрд долларга яқин бойлигини йўқотганини тахмин қилмоқда. Активларининг катта қисми Украинадан ташқарида сақланмоқда. Forbes’нинг 2022 йилги Жаҳон миллиардерлари рўйхатига 7 нафар украиналик киритилган.
Мамлакатнинг энг кўзга кўринган магнатларидан бири, 2014—2019 йилларда Украина президенти бўлган Пётр Порошенко рўйхатни тарк этди.
Унинг соф бойлиги икки бараварга камайиб, тахминан 700 млн долларни ташкил қилди. Унинг қандолатчилик фирмаси Roshen ўз қийматининг 75 фоизини йўқотди ва уруш туфайли иккита заводни ёпишга мажбур бўлди.
Украинанинг энг бой одами Ринат Ахметов 10 март куни Forbes журналига берган интервьюсида унинг саноат холдинги System Capital Management армия ва ҳудудий мудофаа кучларига ёрдам бераётганини айтди.
Украиналик миллиардерлар ва уларнинг бойлигидаги йўқотишлар:
1. Ринат Ахметов
Соф бойлиги: 4,2 млрд доллар
Бойлик манбаси: пўлат, кўмир
Урушдан кейинги ўзгариш: 4,3 млрд доллар йўқотган
2. Виктор Пинчук
Соф бойлиги: 1,9 млрд доллар
Бойлик манбаси: пўлат қувурлар
Уруш бошлангандан кейинги ўзгариш: 700 млн доллар йўқотган
3. Вадим Новинский
Соф бойлиги: 1,3 миллиард доллар
Бойлик манбаси: пўлат
Уруш бошлангандан кейинги ўзгариш: 2,2 млрд доллар йўқотган
4. Костянтин Жеваго
Соф бойлиги: 1,3 миллиард доллар
Бойлик манбаси: кончилик
Уруш бошлангандан кейинги ўзгариш: 800 млн доллар йўқотган
5. Генадий Боҳолюбов
Соф бойлиги: 1,1 миллиард доллар
Бойлик манбаси: банк, инвестициялар
Уруш бошлангандан кейинги ўзгариш: 900 млн доллар йўқотган
6. Влад Яценко
Соф бойлиги: 1,1 миллиард доллар
Бойлик манбаси: финтеч
Уруш бошлангандан кейинги ўзгариш: номаълум
7. Игорь Коломойский
Соф бойлиги: 1 миллиард доллар
Бойлик манбаси: банк, инвестициялар
Уруш бошлангандан кейинги ўзгариш: 800 млн доллар йўқотган
Аввалроқ россиялик миллиардерларнинг 2021 йилдан бери қанча йўқотгани маълум қилинган эди.
Изоҳ (0)