Qozog‘istonda koronavirus tarqalishi bilan bog‘liq epidemiologik vaziyat barqarorlashgani tufayli mamlakat chegarasini kesib o‘tish bilan bog‘liq cheklovlar olib tashlanadi. Bu haqda qo‘shni davlat bosh vaziri matbuot xizmati xabar qildi.
Qayd etilishicha, 11-apreldan boshlab Qozog‘istonning O‘zbekiston, Qirg‘iziston va Rossiya bilan quruqlikdagi chegara o‘tkazuv punktlarida fuqarolarning chegarani kesib o‘tishiga nisbatan kiritilgan cheklovlar olib tashlanadi.
Bundan tashqari, aviaqatnovlar orqali kirishga qo‘yilgan barcha cheklovlar bekor qilinadi.
Shuningdek, chegaradan o‘tishda PZR-test manfiy chiqqani yoki koronavirusga qarshi to‘liq emlanganlik to‘g‘risidagi sertifikatni ko‘rsatish talabi saqlab qolinadi.
Eslatib o‘tamiz, Qozog‘istonda karantin cheklovlari joriy etilgani sabab Nukus—Beyneu va Toshkent—Olmaota yo‘nalishidagi xalqaro yo‘lovchi poyezdlari qatnovini boshlash sanasi ham keyingi muddatga ko‘chirilgandi. Keyinchalik ikki davlat o‘rtasidagi xalqaro avtobus qatnovlari ham noma’lum muddatga kechiktirilgan.
Izoh (0)