Qashqadaryo viloyati Koson tumanida 2020-yil noyabr oyida birovning Captiva avtomashinasini sotib yuborgan firibgar ushlandi, deb xabar bermoqda Tergov departamenti.
Qayd etilishicha, 2020-yil noyabr oyi oxirlarida Koson tumanida yashovchi U.A. (26 yoshli) o‘zganing mulkini firibgarlik yo‘li bilan qo‘lga kiritish maqsadida o‘ziga tegishli bo‘lmagan Captiva avtomashinasini tanishi D.S.ga (43 yoshli) ko‘rsatgan. Uni mashinaning hech qanday hujjatlari mavjud bo‘lmasa-da, hujjatlari to‘liq ekaniga ishontirib, 170 million so‘m evaziga mashinani nomiga rasmiylashtirib berishini va’da qilgan. U.A. fuqarodan ushbu pullarni olganidan so‘ng, avtomashinani nomiga rasmiylashtirib bermasdan, olgan pullarni o‘zining shaxsiy ehtiyojlari uchun ishlatib yuborgan.
Holat yuzasidan U.A.ga nisbatan Jinoyat kodeksning 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Surxondaryoda o‘zini DXX xodimi deb tanishtirib, fuqaroga Tashkent City’dan uy va mashina olib berish uchun 1100 dollar olgan shaxs ushlandi
- Farg‘onada birga tadbirkorlik qilishlarini aytib, fuqarodan 28 ming dollar olgan ayol ushlandi
- Toshkentda 2 gektar yerni 800 ming dollarga sotishga uringan shaxs ushlandi
Izoh (0)