Samarqand viloyati Narpay tumanida 6-aprel kuni tovlamachilik yo‘li bilan pul undirmoqchi bo‘lgan bloger ushlandi. Bu haqda viloyat Ichki ishlar boshqarmasi xabar qildi.
Qayd etilishicha, shu tumanda yashovchi bloger N.X. (1995-yilda tug‘ilgan) tuman hokimligi mansabdorlaridan moddiy mablag‘ undirishni maqsad qilib, ularning faoliyati xususidagi asossiz va noxolis materiallarni ijtimoiy tarmoqlarda tarqatish yo‘li bilan tahdid qilgan. Ma’lumotlarni tarqatmaslik evaziga 15 million so‘m miqdoridagi pullarni tovlamachilik yo‘li bilan talab qilgan.
6-aprel kuni Samarqand viloyati IIB JQB Korrupsiya va iqtisodiy jinoyatlarga qarshi kurash bo‘limi xodimlari tomonidan tezkor tadbir o‘tkazilgan. Unda N.X. mansabdor shaxsdan tovlamachilik yo‘li bilan 15 million so‘m miqdoridagi pullarni olayotgan vaqtida ashyoviy dalillar bilan ushlangan.
Holat yuzasidan tergovga qadar tekshiruv harakatlari olib borilmoqda.
Izoh (0)