AOKAda 5-aprel kuni o‘tkazilgan matbuot anjumanida Bandlik va mehnat munosabatlari vazirligi va Tashqi mehnat migratsiyasi agentligi mutasaddilari sohada amalga oshirilgan ishlar yuzasidan ma’lumot berdi.
Qayd etilishicha, 2016—2022-yillarda tashqi mehnat migratsiyasi yo‘nalishida juda muhim qadamlar qo‘yilgan. Sohaga doir 17 ta muhim hujjat, jumladan, O‘zbekiston Respublikasining 2 ta Qonuni, prezidentning 9 ta qarori, 1 ta farmon, Vazirlar Mahkamasining 5 ta qarori qabul qilinib, normativ-huquqiy baza yaratilgan. Xususan, “Xususiy bandlik agentliklari to‘g‘risida”gi O‘zbekiston Respublikasi qonuni qabul qilingan va takomillashtirilgan.
Tashqi mehnat migratsiyasi agentligi tomonidan 2021-yilda 108 ming 592 nafar fuqaro xorijiy davlatlarda ishga joylashtirilgan. Shundan 100 ming 111 nafari Rossiya Federatsiyasiga, 6 ming 924 nafari Qozog‘iston Respublikasiga, 1 ming 532 nafari Janubiy Koreyaga, shuningdek, BAA, Turkiya, Polsha va boshqa davlatlarga ishlash uchun yuborilgan.
2022-yilning birinchi choragida 3 ming 522 nafar fuqaro xorijiy davlatlarda ishga joylashtirilgan. Shundan 2 ming 183 nafari Rossiya Federatsiyasiga, 44 nafari Qozog‘iston Respublikasiga, 1 ming 293 nafari Janubiy Koreyaga va boshqa davlatlarga ishlash uchun yuborilgan.
Tashqi mehnat migratsiyasi agentligi tomonidan 2 ming 167 nafar mehnat migrantiga huquqiy yordam, 51 ming 498 nafar mehnat migrantiga maslahat xizmatilari, 2 ming 930 nafar mehnat migrantiga ijtimoiy yordam, 976 nafar mehnat migrantiga moddiy yordam ko‘rsatilgan.
Xorijdan qaytgan 192 ming 683 nafar fuqaroning 15 mingdan ortig‘ini bandligi ta’minlandi, 2 ming 813 tasi kasb va tadbirkorlikka o‘qitilgan.
Mavzuga doir:
Izoh (0)