Samarqand va Qashqadaryo viloyatlarida hokimliklarning matbuot kotiblari hokim o‘rinbosarlari sifatida ish boshlagan.
Bloger Azizbek Yazdurdiyevning ma’lumot berishicha, Qashqadaryo viloyatining Kasbi tumani hokimi matbuot kotibi Gulilaylo Tugalova tuman hokimi o‘rinbosari, oila va xotin qizlar bo‘limi boshlig‘i vazifasini bajaruvchi etib tayinlangan.
Samarqand viloyati Kattaqo‘rg‘on shahar hokimligi axborot xizmatining yozishicha, shahar hokimligi axborot xizmati rahbari vazifasida ishlab kelgan Nosirov Jamshid Mamadjonovich shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlangan.
Qo‘shimcha qilinishicha, Jamshid Nosirov 2021-yil yakunlari bo‘yicha Axborot va ommaviy kommunikatsiyalar agentligi tomonidan e’lon qilingan reyting baholashda tuman, shahar hokimliklari axborot xizmatlari orasida eng yuqori ko‘rsatkichga erishgan axborot xizmatlari qatorida e’tirof etilgan.
Izoh (0)