Toshkent shahrining Olmazor tumanida joylashgan “G‘alaba bog‘i” yodgorlik majmuasiga kirish vaqtinchalik to‘xtatiladi. Bu haqda Mudofaa vazirligi xabar qildi.
Qayd etilishicha, “G‘alaba bog‘i” yodgorlik majmuasi va uning tarkibidagi “Shon-sharaf” davlat muzeyida ta’mirlash va obodonlashtirish ishlari olib boriladi. Shu munosabat bilan joriy yilning 6-aprelidan 30-aprel kuniga qadar tashrif buyuruvchilar uchun kirish vaqtinchalik to‘xtatilgan.
Eslatib o‘tamiz, prezident Shavkat Mirziyoyev 2019-yil 25-iyun kuni ushbu hududda bo‘lib,“G‘alaba bog‘i” qurilishi bo‘yicha topshiriqlar bergan, ushbu topshiriq asosida bog‘ konsepsiyasi ishlab chiqilgandi.
Vazirlar Mahkamasining “G‘alaba bog‘i majmuasi faoliyatini tashkil etish chora-tadbirlari to‘g‘risida”gi qarori loyihasiga ko‘ra, Toshkent shahri Olmazor tumanida barpo etilgan Ikkinchi jahon urushi davriga oid “G‘alaba bog‘i” majmuasi operativ boshqaruv huquqi asosida O‘zbekiston Mudofaa vazirligi tasarrufiga beriladi. Bog‘ tarkibida “Shon-sharaf” muzeyi ham faoliyat yuritadi. Shavkat Mirziyoyev 2020-yil may oyida “Shon-sharaf” muzeyini borib ko‘rgan.
Izoh (0)