Ramazon oyi munosabati bilan O‘zbekiston musulmonlari idorasi Fatvo markazidagi Call-markaz 24 soatli rejimga o‘tkazildi. Bu haqda diniy idora matbuot xizmati xabar berdi.
Ma’lum qilinishicha, Musulmonlar idorasi Fatvo markazi tashabbusi bilan Ramazon oyida mo‘min-musulmonlarning telefon orqali yo‘llangan ro‘za tutish bilan bog‘liq barcha shar’iy masalalarga ulamolarning tun-u kun javob berish tizimi joriy etilgan.
Mo‘min-musulmonlar 2-apreldan 2-mayga qadar haftada yetti kun, 24 soat davomida o‘zlarining ro‘za tutish bilan bog‘liq shar’iy savollariga javob olishlari mumkin bo‘ladi (ibodat vaqtlaridan tashqari).
Buning uchun 24 soat davomida quyidagi telefon raqamiga qo‘ng‘iroq qilish tavsiya etiladi: 78-150-33-44.
O‘zbekistonda Ramazon oyi 2-apreldan boshlandi. O‘zbekiston musulmonlari idorasining “Qur’on va tajvidni o‘rgatish” bo‘limi tomonidan 1443/2022-yil Ramazon oyida Toshkent shahri masjidlarida tarovih namozlarida o‘qiladigan xatmi Qur’onning kunlik taqsimoti belgilangan. Unga ko‘ra, xatmi Qur’on aprelning birinchi kunidan boshlab, 27 sana – Qadr kechasida yakunlanishi mo‘ljallanmoqda.
Izoh (0)