Qashqadaryo viloyatining Qarshi tumanida eski konserva zavodining 3 gektar maydonini 100 ming dollarga sotishini aytib, 2 ming dollar olgan fuqaro Chiroqchi tumanida esa soliq qarzdorligini “yopib berishni” va’da qilib, 1,1 million so‘m pulni olgan soliqchi qo‘lga olindi. Bu haqda “Daryo” manbasi xabar berdi.
Ma’lum bo‘lishicha, Andijon viloyatida tug‘ilgan fuqaro Qarshi tumanidagi eski konserva zavodini tomat ishlab chiqaruvchi zavodga aylantirmoqchiligini aytib, sotib olgan. So‘ngra u yerdagi barcha binolarni buzib, metall buyumlarni ham sotib yuborgan. Bu ham yetmagandek, zavodning 3 gektar maydonini ko‘p qavatli uy qurish uchun sotishini aytib, xaridorga yerni viloyat hokimligida ishlovchi tanishlari orqali hujjatlashtirib berishni ham va’da qilgan. Evaziga esa talab qilingan 100 ming dollarning ikki mingini olayotganda qo‘lga olingan.Chiroqchi tuman Soliq inspeksiyasida ishlovchi soliqchi esa yer solig‘idan 2,2 million so‘m qarzdorligi bo‘lgan fuqaroga mavjud qarzdorligini kompyuter bazasidan o‘chirib berishi evaziga 1,1 million so‘m pul so‘ragan, pulni olayotganda qo‘lga tushgan.
Holat yuzasidan tergov harakatlari olib borilmoqda.
Mavzuga doir:
- Urgutda ijara olingan 90 sotix yerni 60 ming dollarga sotishga uringan shaxs qo‘lga olindi
- Qoraqalpog‘istonda fuqaroni temiryo‘lga ishga kiritish uchun ming dollar olgan texnikum direktori ushlandi
- Sergelida ijaraga berilgan 2,5 gektar yerni 1,9 mln dollarga rasmiylashtirib berishni va’da qilgan shaxs ushlandi
Izoh (0)