YTTB prezidenti Odil Reno-Basso – “Daryo”: “O‘zbekistondagi islohotlar to‘g‘ri yo‘nalishda ketayotganini yaqqol ko‘ryapmiz” (video)

O‘tgan hafta O‘zbekistonda Toshkent xalqaro investitsiya forumi o‘z yakuniga yetdi.

Mazkur tadbir doirasida Yevropa tiklanish va taraqqiyot banki prezidenti Odil Reno-Basso bank O‘zbekistonga nima uchun ko‘p investitsiya kiritayotgani haqida “Daryo”ga gapirib berdi.

Ma’lumot uchun, O‘zbekiston 2021-yilda ikkinchi yil ketma-ket YTTBning mintaqadagi eng yirik mablag‘ oluvchisi sifatida e’tirof etillgan. YTTB O‘zbekistondagi 108 ta loyiha doirasida jami 2,93 mlrd yevrodan ziyod sarmoya kiritgan.

Biz nima uchun O‘zbekistonga sarmoya kirityapmiz? Chunki biz sarmoya tikish imkoniyatlarini va islohotlar dasturi to‘g‘ri yo‘nalishda ketayotganini yaqqol ko‘ryapmiz.

Shu bilan birga, mamlakat o‘zgarishini qo‘llab-quvvatlashda sarmoya kiritish muhimdir. Masalan, avval aytib o‘tganimdek, qayta tiklanuvchan energiya manbalariga sarmoya kiritdik.

Joriy yilda O‘zbekistonda birinchi xususiy va raqobatchilik asosida moliyalashtirilgan qayta tiklanuvchan energiya manbalari bo‘yicha loyihaga sarmoya kiritdik.

Masalan, bu O‘zbekistonning Navoiy viloyatidagi fotoelektr stansiyasi. Biz uchun odatda juda yaxshi loyiha. Aynan shuning uchun, biz ushbu loyihaga yetarlicha pul tikdik.

Samarqand yaqinidagi quyosh fotoelektr stansiyasiga ham sarmoya kiritdik va “yashil” sektor, bank sektori uchun moliyalashtirishni ishlab chiqdik.

Siyosat tufayli, globallashuvga asosiy e’tibor qaratish ortidan yaratilayotgan ko‘plab investitsiya imkoniyatlari mavjud.

Masalan, paxtachilikda majburiy mehnatni bartaraf etish bo‘yicha ham ko‘p ishlar qilindi. Va bu bizga Indorama tomonidan qo‘llab-quvvatlangan, ya’ni Indorama krediti tomonidan amalga oshirilgan katta loyihaga sarmoya kiritish imkonini berdi. Loyiha paxtachilikni rivojlantirish uchun juda muhim. 

Buning sababi, bizda investitsiya imkoniyatlari, yaxshi loyihalarga ega mijozlar bor. Va ushbu loyihalar ko‘pincha kuchli olib boriladigan siyosat bilan bog‘liq.

Mana nima uchun biz mamlakatda faolmiz. Va biz mamlakatni yanada rivojlangan bozor iqtisodiyotiga o‘tishiga, xorij investitsiyalari va boshqalar uchun ochiq bo‘lishiga imkoniyat yaratamiz. Bu bankning asosiy talabidir. Bank xuddi shunday islohotlar uchun yaratilganini yaxshi bilasiz. Faolligimizning asosiy sababi shu.

Odil Reno-Basso, Yevropa tiklanish va taraqqiyot banki prezidenti