EТТБ президенти Одиль Рено-Бассо – «Дарё»: «Ўзбекистондаги ислоҳотлар тўғри йўналишда кетаётганини яққол кўряпмиз» (видео)

Ўтган ҳафта Ўзбекистонда Тошкент халқаро инвестиция форуми ўз якунига етди.

Мазкур тадбир доирасида Европа тикланиш ва тараққиёт банки президенти Одиль Рено-Бассо банк Ўзбекистонга нима учун кўп инвестиция киритаётгани ҳақида «Дарё»га гапириб берди.

Маълумот учун, Ўзбекистон 2021 йилда иккинчи йил кетма-кет EТТБнинг минтақадаги энг йирик маблағ олувчиси сифатида эътироф этиллган. EТТБ Ўзбекистондаги 108 та лойиҳа доирасида жами 2,93 млрд евродан зиёд сармоя киритган.

Биз нима учун Ўзбекистонга сармоя киритяпмиз? Чунки биз сармоя тикиш имкониятларини ва ислоҳотлар дастури тўғри йўналишда кетаётганини яққол кўряпмиз.

Шу билан бирга, мамлакат ўзгаришини қўллаб-қувватлашда сармоя киритиш муҳимдир. Масалан, аввал айтиб ўтганимдек, қайта тикланувчан энергия манбаларига сармоя киритдик.

Жорий йилда Ўзбекистонда биринчи хусусий ва рақобатчилик асосида молиялаштирилган қайта тикланувчан энергия манбалари бўйича лойиҳага сармоя киритдик.

Масалан, бу Ўзбекистоннинг Навоий вилоятидаги фотоэлектр станцияси. Биз учун одатда жуда яхши лойиҳа. Айнан шунинг учун, биз ушбу лойиҳага етарлича пул тикдик.

Самарқанд яқинидаги қуёш фотоэлектр станциясига ҳам сармоя киритдик ва «яшил» сектор, банк сектори учун молиялаштиришни ишлаб чиқдик.

Сиёсат туфайли, глобаллашувга асосий эътибор қаратиш ортидан яратилаётган кўплаб инвестиция имкониятлари мавжуд.

Масалан, пахтачиликда мажбурий меҳнатни бартараф этиш бўйича ҳам кўп ишлар қилинди. Ва бу бизга Индорама томонидан қўллаб-қувватланган, яъни Индорама кредити томонидан амалга оширилган катта лойиҳага сармоя киритиш имконини берди. Лойиҳа пахтачиликни ривожлантириш учун жуда муҳим. 

Бунинг сабаби, бизда инвестиция имкониятлари, яхши лойиҳаларга эга мижозлар бор. Ва ушбу лойиҳалар кўпинча кучли олиб бориладиган сиёсат билан боғлиқ.

Мана нима учун биз мамлакатда фаолмиз. Ва биз мамлакатни янада ривожланган бозор иқтисодиётига ўтишига, хориж инвестициялари ва бошқалар учун очиқ бўлишига имконият яратамиз. Бу банкнинг асосий талабидир. Банк худди шундай ислоҳотлар учун яратилганини яхши биласиз. Фаоллигимизнинг асосий сабаби шу.

Одиль Рено-Бассо, Европа тикланиш ва тараққиёт банки президенти