Андижонда Nexia-2 Россия фуқароси умрига зомин бўлди, Самарқандда Malibu пиёдани уриб кетди. ЙТҲлар тафсилоти

Ўзбекистон йўлларида содир бўлган ҳодисалар тафсилотларини тақдим этамиз.

Андижонда Nexia-2 уриб юбориши оқибатида 67 ёшли Россия фуқароси вафот этди

Андижон вилояти, Избоскан туманида юз берган йўл-транспорт ҳодисаси оқибатида 67 ёшли велосипедчи вафот этди. Бу ҳақда «Дарё» мухбири хабар бермоқда.

Избоскан тумани, «Туячи» маҳалласи ҳудудидан ўтувчи 4-К84 Пойтуғ–Луғумбек–Янгиқишлоқ автомобиль йўлининг 1-километрида 2022 йилнинг 27 март куни соат 12:30 ларда ЙТҲ содир бўлган.Маълум бўлишича, Nexia-2 ҳайдовчиси, фуқаро Н.А. автомобилида йўлнинг қатнов қисмини белгиланмаган жойидан кесиб ўтаётган Россия фуқароси Ҳ.Э.ни (1955 йилда туғилган) уриб юборган.

ЙТҲ натижасида велосипедчи бош мия чаноқ қисмининг ёпиқ синиши, кўкрак қафасининг эшилиши тан жароҳатлари билан туман шошилинч тез тиббий ёрдам бўлимига ётқизилган. Бироқ кўрсатилган тиббий муолажаларга қарамасдан шифохонада вафот этган.

Ҳозирда ЙТҲ юзасидан терговга қадар текширув олиб борилмоқда.

Самарқандда Malibu пиёдани уриб кетди

2022 йил 28 март куни Жомбой тумани, «Қанғли» маҳалласи ҳудудидан ўтувчи ички автомобиль йўлида фуқаро Н.Б. ўзининг бошқарувида бўлган Malibu автомашинаси билан унинг ҳаракат йўналишида турган М.Б.ни уриб юборган.

Ҳолат юзасидан Жомбой тумани ИИБ ҳузуридаги Тергов бўлинмаси томонидан Жиноят кодексининг 105-моддаси 1-қисми (қасддан баданга ўртача оғир шикаст етказиш) билан жиноят иши қўзғатилиб, тергов ҳаракатлари олиб борилмоқда.