Avvalroq O‘zbekistonda ishlab chiqarish o‘sib borayotganligiga qaramay, navbatlar undan-da tez o‘sayotgani, natijada Cobalt va Lacetti avtomobillari yetishmayotgani haqida xabar berilgan edi.
Kompaniya bosh direktori Bo Anderssonning aytishiga qaraganda, kompaniya bu masala ustida kecha-yu kunduz ishlamoqda va xaridorlar orasida talabgir bo‘lgan avtomobillarni ko‘proq ishlab chiqarmoqda.
Biz ommabop avtomobillarni ishlab chiqarish hajmini oshirdik. Lacetti avtomobilini 262 tadan 366 taga (27 foizga), Cobalt avtomobilini kunlik ishlab chiqarish hajmini 342 tadan 420 tagacha (18 foizga) ko‘tardik, — deydi Andersson.
Uning so‘zlariga ko‘ra, avtomobillarni xaridorlarga yetkazib berish muddati ikki barobarga qisqartirilgan.
Ammo, afsuski, biz hali ham kerakli joyda emasmiz. Ushbu maqsadga erishish uchun qo‘limizdan kelgan barcha ishni qilishimizga shaxsan o‘zim kafolat beraman, — deydi Andersson.
Uning aytishicha, Spark avtomobilini xarid qilganlar katta ehtimol bilan avtomobilni shartnomada ko‘rsatilgan muddatdan oldin olishlari mumkin bo‘ladi, Nexia avtomobilini esa, hech qanday kutishlarsiz dilerlardan olib ketishlari mumkin.
Avvalroq O‘zbekistonda har ming kishiga o‘rtacha qancha yengil avtomobil to‘g‘ri kelishi haqida xabar berilgan edi.
Izoh (0)