Davlat aktivlarini boshqarish agentligi Toshkent markazidagi Davlat geologiya va mineral resurslari davlat qo‘mitasi binosini auksionga qo‘ydi.
Qo‘mita Mirzo Ulug‘bek tumanida qurilayotgan Geologiya fanlari majmuasiga ko‘chadi. Qurilgan yili noma’lum bo‘lgan bino maydoni – 10 962 kvadrat metr. Gaz va kanalizatsiya bor. Boshlang‘ich narx – 75,6 mlrd so‘m.
Arizalar 25-aprelgacha qabul qilinadi, savdo shu kuni o‘tkaziladi.
Sotib olish to‘lovlari shartnoma shartlariga muvofiq qisqa muddatda amalga oshiriladi.
Bino oldi-sotdi shartnoma rasmiylashtirilganidan so‘ng amalga oshirilgan to‘lovlarga ko‘ra balansda saqlovchi tomonidan to‘rt oy ichida bo‘shatib beriladi.
Avvalroq Navoiydagi “Nurota” mehmonxonasi 17 mlrd so‘mga auksionga qo‘yilgani haqida xabar berilgan edi.
Izoh (0)