Toshkentda bankrot bo‘lgan kompaniyaning 6 qavatli binosi 40 mlrd so‘mga auksionga qo‘yildi

Toshkentda olti qavatli bino auksionga qo‘yildi. Lot “Ofis, savdo va maishiy xizmat majmuasi” deb belgilandi.

Bino 2008-yilda qurilgan va 2015-yilda rekonstruksiya qilingan. Uning umumiy maydoni – 1683 kvadrat metr. Foydali maydoni – 1317 kvadrat metr. Gaz, elektr ta’minoti, suv va kanalizatsiya bor.

Kadastr hujjatiga asosan, yer maydoni ijara huquqi asosida berilgan. Binoning 877,0 kvadrat metrli yerto‘la va 1—2-qavatlaridan iborat qismi sotilgan. Bino ajralmas lift, video kuzatuv, sovitish va isitish uskunalari, yong‘inga qarshi tizim, issiq pol, yordamchi chiqish joyi bilan jihozlangan, korxonada elektr energiya TP va dizel generatori mavjud.

Lot bankrot deb topilgan Train Concultancy MCHJ kreditorlarining yigilish qaroriga asosan sotuvga chiqarilgan.

Boshlang‘ich narx – 40 mlrd so‘m. Arizalar 19-aprelgacha qabul qilinadi. Savdo shu kuni bo‘lib o‘tadi. 

Avvalroq auksionga qo‘yilgan “Anhor” bog‘i birinchi urinishda sotilmagani haqida xabar berilgan edi.