O‘zbekistonda Cobalt va Lacetti yetishmovchiligi — ishlab chiqarish o‘smoqda, ammo navbatlar undan-da tez o‘smoqda

Yil boshidan beri O‘zbekistonda Cobalt va Lacetti eng ko‘p ishlab chiqarilgan avtomobillar bo‘ldi. Bu Davlat statistika qo‘mitasining hisobotida qayd etildi.

Xususan, ikki oy ichida UzAuto Motors 10 787 ta Cobalt va 12 340 ta Lacetti chiqargan.

Biroq aynan mana shu ikkala modelga eng ko‘p navbatlar yuzaga kelmoqda. Bu Uzavtosavdo ilovasida qayd etilgan.

Cobalt uchun hozir deyarli 15 ming kishi navbatda turibdi —avtomobilni taxminan iyul oyining oxirida olish mumkin bo‘ladi. Lacetti uchun esa hozirda 1333 ta odam navbatga yozilgan — avtomobilni taxminan avgust oyi oxirida olish mumkin.

Hamyonbop modellar орасида Nexia modeli eng yaxshi taklif bo‘lib turibdi – yil boshidan beri shu modeldagi 2902 dona avtomobil ishlab chiqarilgan bo‘lishiga qaramay, ular sotuvda bor, navbatlar esa nisbatan kamroq. Avtomobilni hozirning o‘zida sotib olinsa, uni taxminan 7 kundan so‘ng olish mumkin bo‘ladi.

Avvalroq UzAuto Motors oldindan to‘lov miqdorini 85 foizdan 50 foizga tushirgani haqida xabar berilgan edi.