“Katta yettilik” mamlakatlari Rossiyaning gaz yetkazib bergani uchun to‘lovlarni rublda hisob-kitob qilish bo‘yicha talabini bajarmoqchi emas. Bu haqda Germaniya iqtisodiyot vaziri Robert Xabekning G7 ishtirokchilarining muzokaralari yakunida bergan ma’lumotlariga tayanib, Reuters xabar qildi.
Xabekning so‘zlariga ko‘ra “Katta yettilik” mamlakatlarining energetika vazirlari to‘lovlarni rublda amalga oshirish shartnomalarning bir tomonlama buzilishi ekanligini qayd qilgan.
“To‘lovni rublda qilish nomaqbul harakat va biz manfaatdor kompaniyalarni Putinning ushbu talablarini bajarmaslikka chaqiramiz”, — deya qo‘shimcha qilgan Xabek.
Uning fikricha, gaz uchun to‘lovlarni rublda amalga oshirish Putinning G‘arb mamlakatlarini ajratishga qaratilgan harakati, biroq Germaniya energetika vaziri bu sodir bo‘lmaydigan ishligini ta’kidlagan.
Avval Yevropa Rossiya gazini rublda to‘lash qaroriga javob bergani, Germaniya yozgacha Rossiyadan neft import qilishni 50 foizga qisqartirishi, Germaniya Qatar bilan gaz bo‘yicha uzoq muddatli hamkorlik to‘g‘risida kelishib olgani haqida xabarlar berilgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)