«Катта еттилик» мамлакатлари Россиянинг газ етказиб бергани учун тўловларни рублда ҳисоб-китоб қилиш бўйича талабини бажармоқчи эмас. Бу ҳақда Германия иқтисодиёт вазири Роберт Хабекнинг G7 иштирокчиларининг музокаралари якунида берган маълумотларига таяниб, Reuters хабар қилди.
Хабекнинг сўзларига кўра «Катта еттилик» мамлакатларининг энергетика вазирлари тўловларни рублда амалга ошириш шартномаларнинг бир томонлама бузилиши эканлигини қайд қилган.
«Тўловни рублда қилиш номақбул ҳаракат ва биз манфаатдор компанияларни Путиннинг ушбу талабларини бажармасликка чақирамиз», — дея қўшимча қилган Хабек.
Унинг фикрича, газ учун тўловларни рублда амалга ошириш Путиннинг Ғарб мамлакатларини ажратишга қаратилган ҳаракати, бироқ Германия энергетика вазири бу содир бўлмайдиган ишлигини таъкидлаган.
Аввал Европа Россия газини рублда тўлаш қарорига жавоб бергани, Германия ёзгача Россиядан нефть импорт қилишни 50 фоизга қисқартириши, Германия Қатар билан газ бўйича узоқ муддатли ҳамкорлик тўғрисида келишиб олгани ҳақида хабарлар берилган.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)