O‘qqa tutilgan yodgorlik va cherkovlar, yonib ketgan mashinalar. Urushning 32-kunidan fotoreportaj
Ukrainada urush boshlanganiga 32 kun to‘ldi. BMT ma’lumotlariga ko‘ra, shu vaqt ichida mamlakatni 3,8 milliondan ortiq kishi tark etgan. Bir necha haftadan beri qamalda qolayotgan 540 ming kishilik Mariupol shahri aholisining deyarli yarmi uylarini tashlab ketishga majbur bo‘ldi. Vladimir Zelenskiy ukrainaliklarga harbiy harakatlarni aks ettiruvchi fotosuratlar va videolarni chop etishni taqiqladi. Ukraina Bosh prokuraturasi urush boshlanganidan beri 143 nafar bola halok bo‘lgani, 200 dan ortig‘i jarohatlanganini ma’lum qildi. Butun mamlakat bo‘ylab havo trevogasi e’lon qilindi. Chernobilning egallangan zonasida esa o‘n minglab gektar o‘rmonlar yonmoqda. Vladimir Zelenskiy rossiyalik jurnalistlarga birinchi marta intervyu berdi. Meduza 27-mart, urushning o‘ttiz ikkinchi kunidan asosiy fotosuratlarni jamladi.
Ukrainaning Rossiya armiyasi nazoratiga o‘tgan Zaporojye viloyati Pologi shahridagi mehribonlik uyidan evakuatsiya qilingan bola. Pologidagi mehribonlik uyidan 30 ga yaqin yetim bolalar tarbiyachilari bilan birga evakuatsiya qilingan.Foto: EPA
Zaporojyeda evakuatsiya punktidagi doska. Unda Ukrainada bedarak yo‘qolgan fuqarolarning suratlari va ko‘ngillilarga yordam so‘rab qilingan murojaatlar ilingan.Foto: EPA
Drobitskiy Yar yodgorlik majmuasi hududi Rossiya qo‘shinlari tomonidan o‘qqa tutilgandan keyin. Suratda Ikkinchi jahon urushi paytida yahudiylar genotsidi sodir bo‘lgan joyga o‘rnatilgan Menor yodgorligi.Foto: AFP
Yaqinda rus qo‘shinlaridan ozod qilingan Lukyanovka qishlog‘ida yashovchi fuqaro Ukraina tanki qarshisidagi skameykada o‘tiribdi. Kiyev viloyatiFoto: Reuters
Lukyanovka qishlog‘idagi huvillab qolgan maydon. Mahalliy aholining so‘zlariga ko‘ra, bu joyda urushdan oldin ibodatxona bo‘lgan, hozir u rus tanklari tomonidan vayron qilingan. Kiyev viloyatiFoto: Reuters
Mariupoldagi vayron bo‘lgan ko‘p qavatli uylar yonidagi avtoturargohda yonib ketgan mashinalarFoto: Reuters
Odessadagi buyum bozorida protivogazni ko‘zdan kechirayotgan ayolFoto: EPA
Xarkovdagi vayron qilingan hududiy shtab hovlisida yurgan ukrainalik askarFoto: AFP
Xarkov aholisi maktab podvalidagi bomba panasida. Ular bir oydan beri shu yerda yashamoqdaFoto: AFP
Izoh (0)