Kanadadagi oziq-ovqat supermarketlari peshtaxtalaridan Rossiyada ishlab chiqarilgan mahsulotlarni olib tashlash boshlandi, deb xabar beradi Globe and Mail gazetasi.
Gazeta ma’lumotlariga ko‘ra, gap kvas, kungaboqar pistasi va shokoladli zefir kabi tovarlar haqida ketmoqda. Bu kabi qaror oziq-ovqat mahsulotlari bilan savdo qiluvchilar tomonidan ko‘plab hududlarda rus arog‘ini sotishni to‘xtatish borasidagi qadamdan so‘ng qabul qilingan.
Kanadaning Sobeys, Safeway va FreshCo kabi oziq-ovqat tarmoqlariga egalik qiluvchi Empire Company Ltd. kompaniyasi peshtaxtalardan Rossiya mahsulotlarini mart avvalida olib tashlashni boshlagan. Metro Inc. kompaniyasi ham shu kabi yo‘l tutgan. Nashrning qayd etishicha, bu Rossiya iqtisodiyotiga jiddiy ta’sir ko‘rsatmagan.
Companies Ltd. (Atlantic Superstore, Dominion Stores, Extra Foods va hokazo) reteyleri ham Rossiya tovalarini olib tashlamoqda va ular qayta buyurtma qilinmasligini nazoratga olgan.
11-mart kuni AQSH prezidenti Jo Bayden Rossiyadan aroq, brilliantlar va dengiz mahsulotlarini import qilishni taqiqladi. Bu kabi choralar Rossiyaga qarshi navbatdagi sanksiyalar paketi doirasida qabul qilingan.
Keyinroq Buyuk Britaniya Rossiyadan import qilinayotgan qator tovarlarga 35 foizli qo‘shimcha tariflarni joriy etdi. “Rossiya arog‘i — ko‘tarilgan ta’riflar ta’sir qilgan taniqli mahsulotlardan biri, shu bilan birga, hashamatli avtomobillar, moda va san’at asarlari namunalarining importi ham tez orada taqiqlanadi”, — deyilgandi xabarda.
Izoh (0)