Navoiyda “Milliy jurnalistika: an’analar davomiyligi va zamonaviylik” mavzusidagi respublika mediaforumi boshlandi. Bu haqda “Daryo” muxbiri Azizbek Abduvaliyev xabar bermoqda.
Forum O‘zbekiston jurnalistlari uyushmasi, Navoiy viloyati hokimligi va Navoiy kon-metallurgiya kombinati hamkorligida tashkil etildi. Unda Qoraqalpog‘iston Respublikasi, Toshkent shahri va viloyatlardan kelgan 90 nafarga yaqin jurnalist va blogerlar ishtirok etmoqda.
“Bir hafta davom etadigan tadbir davomida ishtirokchilar Ahmadjon Meliboyev, Xurshid Do‘stmuhammedov, Abdusaid Ko‘chimov, Farmon Toshev, Shuhrat Jabborov, Chori Latipov, Norqobil Jalilov, Sherzodxon Qudratxo‘ja, Husan Ermatov, Abdurasul Jumaqulov kabi zabardast jurnalistlarning dolzarb mavzulardagi chiqishlarini tinglashadi. Ular bilan bevosita muloqotga kirishish, o‘zlarini qiziqtirgan savollar bilan murojaat qilish, takliflarini bildirish imkoniyatiga ega bo‘lishadi. Uyushmaning hududiy bo‘limlari raislari esa amalga oshirilgan ishlar va galdagi rejalar yuzasidan hisobotlarini taqdim etadi”, — deydi O‘zbekiston jurnalistlari uyushmasi raisi Olimjon O‘sarov.
Mediaforum ishtirokchilari “Metallurg” profilaktoriy-sanatoriysida sog‘lomlashtirish muolajalarini ham olmoqda.Ular Navoiy kon-metallurgiya kombinatiga qarashli yirik ishlab chiqarish korxonalari bilan tanishishi, viloyatdagi tarixiy obidalarni ziyorat qilishi ko‘zda tutilgan.
Izoh (0)