Andijon viloyatida hibsxonalardan birida 21-mart kuni mahbuslar o‘rtasidagi janjalda bir kishi vafot etdi. Bu haqda Ichki ishlar vazirligi xabar qildi.
Qayd etilishicha, shu kuni soat 15:00 larda IIV huzuridagi JIED 3-son tergov hibsxonasida mahbus M.S. kamerada birga saqlanayotgan mahbus U.J. bilan o‘zaro janjallashib, bir-biriga tan jarohatini yetkazgan. Oqibatda mahbus M.S. olingan jarohatlar tufayli ko‘rsatilgan tibbiy muolajalarga qaramasdan vafot etgan. Mahbus U.J. muassasaga qarashli kasalxonada davolanmoqda.
Holat yuzasidan Andijon shahar prokuraturasi tomonidan Jinoyat kodeksining 104-moddasi 3-qismi “d” bandi (jabrlanuvchining o‘lishiga sabab bo‘ladigan qasddan badanga og‘ir shikast yetkazish) bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Ohangaronda diniy ma’ruza eshitgan mahbus kaltaklangani aytilmoqda. Unga nisbatan sud-tibbiy ekspertiza tayinlangan
- Fuqaroning o‘ligi Yunusobod IIB idorasidan chiqqani aytilmoqda. Holat yuzasidan izoh berildi
- O‘zbekistondagi qamoqxonalarda mahkumlarning qiynoqqa solinishi haqidagi videolavha yuzasidan bayonot berildi
Izoh (0)