Навоийда «Миллий журналистика: анъаналар давомийлиги ва замонавийлик» мавзусидаги республика медиафоруми бошланди. Бу ҳақда «Дарё» мухбири Азизбек Абдувалиев хабар бермоқда.
Форум Ўзбекистон журналистлари уюшмаси, Навоий вилояти ҳокимлиги ва Навоий кон-металлургия комбинати ҳамкорлигида ташкил этилди. Унда Қорақалпоғистон Республикаси, Тошкент шаҳри ва вилоятлардан келган 90 нафарга яқин журналист ва блогерлар иштирок этмоқда.
«Бир ҳафта давом этадиган тадбир давомида иштирокчилар Аҳмаджон Мелибоев, Хуршид Дўстмуҳаммедов, Абдусаид Кўчимов, Фармон Тошев, Шуҳрат Жабборов, Чори Латипов, Норқобил Жалилов, Шерзодхон Қудратхўжа, Ҳусан Эрматов, Абдурасул Жумақулов каби забардаст журналистларнинг долзарб мавзулардаги чиқишларини тинглашади. Улар билан бевосита мулоқотга киришиш, ўзларини қизиқтирган саволлар билан мурожаат қилиш, таклифларини билдириш имкониятига эга бўлишади. Уюшманинг ҳудудий бўлимлари раислари эса амалга оширилган ишлар ва галдаги режалар юзасидан ҳисоботларини тақдим этади», — дейди Ўзбекистон журналистлари уюшмаси раиси Олимжон Ўсаров.
Медиафорум иштирокчилари «Meтaллург» профилакторий-санаторийсида соғломлаштириш муолажаларини ҳам олмоқда.
Улар Навоий кон-металлургия комбинатига қарашли йирик ишлаб чиқариш корхоналари билан танишиши, вилоятдаги тарихий обидаларни зиёрат қилиши кўзда тутилган.
Изоҳ (0)