Futbol bo‘yicha Fransiya chempionatining 29-turida “PSJ” 20-mart, yakshanba kuni “Monako”ga qarshi bahs olib bordi.
Uchrashuvning 25-daqiqasida Vissam Ben-Yedder maydon egalarini oldinga olib chiqqan bo‘lsa, 68-daqiqada Kevin Folland jamoasining ikkinchi golini urdi. Uchrashuv yakunlanishi arafasida Ben-Yedder hisobni yirik ko‘rinishga olib keldi.
“Monako” ushbu g‘alabadan keyin ochkolarini 44 taga yetkazib olgan holda 7-o‘ringa ko‘tarildi. “PSJ” 65 ochko bilan birinchi o‘rinda bormoqda.
Ushbu bahsni Lionel Messi betobligi bois o‘tkazib yubordi.
Liga 1
29-tur bahsi
20-mart, yakshanba
“Monako” — “PSJ” 3:0
Gollar: 1:0 – 25 Ben-Yedder, 2:0 – 68 Folland, 3:0 – 84, penalti Ben-Yedder.“Monako”: Nyubel, Agilyar, Disasi, Badiashile, Kayo Enrike, Jelson Martinsh (Folland, 64), Golovin (Yakobs, 69), Tchuameni, Jan Lukas (Maripan, 85), Fofana, Ben-Yedder (Boadyu, 85).
“PSJ”: Donnarumma, Hakimi, Markinos, Kimpembe, Mendesh (Diallo, 77), Danilu Pereyra, Verratti, Paredes (Guye, 69), Veynaldum (Ikardi, 69), Neymar (Draksler, 77), Mbappe.
Ogohlantirishlar: Jelson Martinsh (30), Mbappe (52), Neymar (53), Folland (65), Tchuameni (74), Kimpembe (81).
Izoh (0)