“Real” 2022-yilning yozida “PSJ” hujumchisi Kilian Mbappeni erkin agent maqomida qo‘lga kiritishga yaqin.
Marca nashrining xabar qilishicha, garchi Mbappe erkin agent sifatida kelayotgan bo‘lsa ham, madridliklar klubiga bu kelishuv 80 million yevroga tushadi. Buning ichida shartnoma imzolaganlik uchun bonus puli ham bor.
Hujumchining parijliklar bilan amaldagi shartnomasi shu yozda o‘z yakuniga yetadi. Kilian Parij klubining yangi bitim borasidagi bir nechta taklifiga rad javobini bergan.
23 yoshli futbolchi joriy mavsum “PSJ” safida 36 ta o‘yin o‘tkazib, 26 ta gol va 14 ta golli uzatma muallifiga aylandi.
Mbappe 2017-yilda “Monako”dan “PSJ”ga ijara asosida o‘tgan edi. 2018-yilda parijliklar 145 million yevroga futbolchini to‘liq sotib olgan.
Izoh (0)