Professional boksning super o‘rta vazn toifasida harakat qilayotgan Bektemir Meliqo‘ziyev (9-1, 7 KO) Toshkent vaqti bilan 20-mart tongida navbatdagi jangini o‘tkazdi.
Los-Anjelesda bo‘lib o‘tgan boks oqshomida o‘zbekistonlik bokschi perulik Devid Segarraga (34-8, 21 KO) qarshi jang qildi. Ikkinchi raundda Bektemir raqibining tanasiga kuchli zarba yo‘lladi, natijada perulik charm qo‘lqop ustasi o‘rnida tura olmadi va texnik nokaut qayd etildi.
Shu tariqa Meliqo‘ziyev professional boksdagi 9-g‘alabasini nishonladi. Bunga qadar Meliqo‘ziyev so‘nggi jangini 2021-yil 17-dekabrda Toshkentda bo‘lib o‘tgan boks oqshomida o‘tkazgandi. O‘shanda u rossiyalik Sergey Yekimov (18-4, 9 KO) ustidan g‘alaba qozongandi.
Izoh (0)